Кодекс на однесување
А. Преамбула
Како што е наложено во нашите корпоративни вредности, еден од највредните квалитети на ГфК се нејзините вработени. Тие поседуваат уникатен спој на талент, знаење и креативност, а истовремено претставуваат и основно средство на компанијата и како и клуч за нејзиниот успех. Вработените во ГфК се охрабруваат да го истражуваат и развиваат својот талент, за да ги постигнат зедничките цели на групацијата. Ги поттикнуваме и наградуваме иницијативата, посветеноста и напорната работа. Праведноста, добрата комуникација и професионалноста помеѓу сите нивоа и оддели на ГфК се нашиот пат кон успехот.
Покрај тоа, ГфК придава големо значење на добра врска со своите деловни партнери која се карктеризира со дискреција, доверба и праведност. Вработените во ГфК ги извршуваат своите обврски кон клиентите, кои се во примарниот фокус на сите деловни активности, со високо ниво на компетентност, ефикасност, точност и одговорност.
Почитувањето на Кодексот на однесување не е својствено само за менџментот, туку е дел и од личната посветеност и должност на сите вработени во ГфК. Оттука строгото придржување кон Кодексот на однесување е неделлив и задолжителен дел од корпоративните вредности на ГфК и Системот на управување со ризици.
Б. Основни принципи
Можни конфликти на интереси
Однесувањето на вработените во и надвор од ГфК е клучно за долготраен професионален успех на компанијата. Тоа треба да го отсликува принципот дека "заедничкиот интерес на ГфК има предност пред интересот на поединецот" до одредена можна граница.
Личните и приватните интереси не смеат да влијаат врз деловните врски и одлуки, кои треба да бидат формирани исклучиво со почитување на професионалните и етичките принципи. Секој потенцијален конфликт на интереси мора да се разреши отворено со цел да се заштитат ГфК, деловните партнери и вработените. Со овој начин на комуникација ќе се избегне секој сомнеж од можна недоличност и нечесност.
Доколку се јави конфликт на интереси, вработениот не смее сам да донесува одлуки, туку е обврзан да се советува со претпоставениот и да побара согласност од него.
Правни одредби и професионални стандарди
ГфК и нејзините вработени ќе го почитуваат овој Кодекс на однесување, како и локалниот закон и правилата и ќе дејствуваат во согласност со локалните стандарди на деловната практика. Ова се однесува, на пример, на ЕУ финансиските санкции. [http://ec.europa.eu/comm/external_relations/cfsp/sanctions/list/version4/global/e_ctlview.html]. Ниту една отстапка која се однесува на вообичаената или локалната практика, а која може да резултира со прекршување на законот, не е прифатлива.
Ниту еден дел од овој Кодекс на однесување не е конструиран за да биде во спротивност или да не е во согласен со применливите закони и регулативи.
ГфК и нејзините вработени, посебно се обврзуваат да ги почитуваат професионалните павила и прописи на истражувањето на пазарот, без разлика дали се тие се национални или интернационални:
Esomar иненационален кодекс за маркетинг и социјална истражувачка практика http://www.esomar.org/uploads/pdf/ps_cg_icccode.pdf ]
CASRO стандарди и етика за истражувања http://www.casro.org/codeofstandards.cfm ]
Однесувањето и деловните активности на вработените мора да бидат во согласност со овие упатства.
Заштита на податоци и безбедност
Доверливоста на деловните постапки мора да биде заштитена во секое време. Постапувањето во согласност со прописите за заштита на податоци и обврските за доверливост, кои вклучуваат клиенти и трети страни е интегрален дел од истражувањето на пазарот, а личното однесување и техничкото опкружување мораат да го следат и да бидат во склад со него.
Вработените мора да ги применуваат IT стандардите на ГфК, како ефективни мерки на претпазливост за заштита на личните податоци и на целите поврзани со безбедноста на податоците.
Интелектуална сопственост
Интелектуалната сопственост на ГфК, односно патентите, брендовите и искуството, како и резултатите од услугите извршени за клиентите, мора да бидат заштитени од недозволено користење и пренесување.
Вработените мораат да ги преземат сите мерки на претпазливост за да ги обезбедат овие вредности на ГфК.
Заштита на животната средина
За ГфК, од голема важност е заштитата на животната средина и ефикасното користење на природните ресурси. ГфК и нејзините вработени мораат да го имаат ова предвид кога ги користат работните ресурси на компанијата, а нивното искористување мора биде во границите на неопходноста.
В. Правила на однесување
Лично однесување
ГфК и нејзините вработени кон сите клиенти, доставувачи и колеги ќе се однесуваат пристојно, почитувајќи го нивниот приватен живот и личен интегритет. Сите вработени се обврзани да се однесуваат отворено, чесно и со почитување еден кон друг, соработувајќи при решавањето на проблеми кои може да произлезат.
